Германия Бундеслигасида Дортмунднинг "Боруссия" клуби сафарда Берлиннинг "Унион" клубини йирик 3:0 ҳисобида мағлубиятга учратди. "Асаларилар" устози Нико Ковач учрашувдан олган таассуротлари билан ўртоқлашди.
"Бу ўйинни чиройли деб бўлмайди, совуқ об-ҳаво бўлди. Агар биз бундай шароитда чиройли футбол кўрсатишга ҳаракат қилганимизда, ғалаба қозонишимиз даргумон эди. Биз учун муҳими - натижа. Биз уч очко тўпладик, ҳаммасидан мамнунман," - дея мутахассиснинг сўзларини келтиради Bulinews.
Дортмундликлар 42 очко жамғариб, турнир жадвалида иккинчи ўринда бормоқда. Ковач шогирдлари пешқадам "Бавария"дан 8 очко ортда қолмоқда.
