Уругвайнинг "Дефенсор" клуби чап қанот ҳимоячиси Патрисио Пасифико "Барселона" сафини тўлдириши мумкин. Каталония гранди 19 ёшли футболчининг трансфери бўйича келишувга яқин турибди, деб хабар бермоқда журналист Жанлуижи Лонгари.
Уругвайлик ёш футболчи "Дефенсор"нинг асосий таркибида 40та ўйинда майдонга тушиб, 2та гол уришга улгурди. Истиқболли латерал нафақат қанотда, балки мудофаа марказида, шунингдек, таянч зонасида ҳам ўйнашга қодир.
Патрисио Пасификонинг машҳур Transfermarkt порталидаги нархи - 650 минг евро. Футболчининг амалдаги меҳнат шартномаси 2028 йил охиригача тузилган.
