"Барселона" бош мураббийи Ханс-Дитер Флик қанот ҳимоячиси Жоау Канселунинг ўйини ҳақида фикр билдирди.
"Кўк-анорранглилар" португалияликни жорий ойда Саудия Арабистонининг "Ал-Ҳилол" клубидан ижарага олган эди. Якшанба куни 31 ёшли футболчи клубга қайтганидан кейин илк бор каталонияликлар асосий таркибида майдонга тушди - у Ла Лигада "Реал Овьедо"ни мағлуб этишга ёрдам берди (3:0).
"Канселу яқиндагина келди, лекин ўз маҳоратини кўрсатди. У жуда кучли прессинг қилади. Жоау жуда яхши мослашмоқда, у ҳар бир машғулотда ривожланишга қодир," - дея Фликнинг сўзларини келтиради Barca Universal.
Жоау якшанба кунги баҳснинг 60-дақиқасида захирага олинди.
