"Арсенал" якшанба куни ўз майдонида "Манчестер Юнайтед"га 2:3 ҳисобида ютқазиб, мухлисларни ранжитди. "Канонирлар" ҳамон Премьер-лигада пешқадамлик қилмоқда, "Манчестер Сити" ва "Астон Вилла" эса 4 очкога ортда қолмоқда.

Англия терма жамоаси собиқ форварди Уэйн Рунининг фикрича, "Арсенал" чемпионлик учун асосий даъвогар бўлиб қолмоқда.

"Мен ҳамон "Арсенал"ни чемпионлик учун курашда асосий фаворит деб биламан. Аммо Артета учун "Ливерпуль", "Ноттингем Форест" ва "Манчестер Юнайтед"га қарши ўйинлар огоҳлантирувчи сигнал бўлиши керак. Шунга қарамай, ўйлашимча, "Арсенал" фаворит бўлиб қолмоқда," - дея Рунининг сўзларини келтиради BBC.

"Арсенал" охирги марта 2004 йилда Англия чемпиони бўлган.