"Жирона" бош мураббийи Мичель жамоанинг кадрлар билан боғлиқ ҳолати ва Ла Лига 21-туридан ўрин олган "Хетафе"га қарши ўйиндан нималар кутаётгани ҳақида гапирди.
"Тайёр бўлиши ҳам, тайёр бўлмаслиги ҳам мумкин бўлган футболчилар бор - улар қисман машғулот ўтказган, аммо савол остида қолмоқда. Гап Стуани, Абел Руис, Витсел ҳақида кетяпти... Улар қайтишга жуда яқин, аммо эртагаёқ жамоага ёрдам бера олиш-олмаслигини яхшилаб ўйлаб кўриш керак.
Биз 42 очкони қўлга киритишимиз керак. Ла Лига қанчалик мураккаблашганини ҳамма кўриб турибди - кўплаб жамоалар 10-12 ўринлар оралиғида жойлашган ва кураш жуда тиғиз. Бу балларни тўплашимиз муҳим", - дея Мичелнинг сўзларини келтиради АS.
