Халқаро футбол тарихи ва статистикаси федерацияси (IFFHS) 2025-йил якунларига кўра дунёнинг энг кучли футбол лигалари рейтингини эълон қилди. Унга кўра, Ўзбекистон Суперлигаси ўтган йилга нисбатан уч поғонага юқорилаб, 93-ўринни эгаллади.
Умумий рейтингда етакчи ўринларни Европанинг нуфузли чемпионатлари эгаллаган. Англия Премьер Лигаси ва Испания Ла Лигаси энг юқори поғоналардан жой олган бўлса, Бразилия чемпионати кучли учликни якунлаган. Шунингдек, Италия А Серияси, Германия Бундеслигаси ва Франция Лигаси ҳам юқори ўринларни банд этган.
Осиё қитъаси лигалари орасида Саудия Арабистони Пролигаси етакчи деб топилган. Япония Ж1 лигаси иккинчи, Жанубий Корея К лигаси эса учинчи ўринда қайд этилган. Бирлашган Араб Амирликлари Пролигаси ва Таиланд чемпионати Осиёнинг кучли беш лигаси қаторига кирган.
Қитъалар кесимидаги кучли лигалар бешлиги қуйидагича:
УEФА (Европа): Англия, Испания, Италия, Германия, Франция
КОНМEБОЛ (Жанубий Америка): Бразилия, Аргентина, Колумбия, Эквадор, Парагвай
АФК(Африка): Миср, Марокаш, Жанубий Африка, Жазоир, Тунис
ОФК(Осиё): Саудия Арабистони, Япония, Жанубий Корея, БАА, Таиланд
КОНКАКАФ (Шимолий ва Марказий Америка): Мексика, Коста-Рика, АҚШ, Никарагуа, Гондурас
Океания(Океания): Янги Зеландия, Таити, Фижи, Папуа–Янги Гвинея, Кук ороллари
Маълумот учун, IFFHS рейтинги лигаларнинг халқаро мусобақалардаги натижалари, клубларнинг қитъа миқёсидаги иштироки ҳамда умумий спорт кўрсаткичлари асосида шакллантирилади.
