Португалиялик юлдуз ярим ҳимоячи Бруну Фернандеш жорий мавсумни "Манчестер Юнайтед"да якунлайди, шундан сўнг келажаги борасида бир қарорга келади. Бу ҳақда Daily Mirror хабар бермоқда.
Қайд этиш жоиз, тажрибали хавбекнинг "қизил иблислар" билан амалдаги меҳнат шартномаси 2027 йилнинг ёзида ўз ниҳоясига етади. Шартномада бир мавсумга узайтириш имконияти кўрсатилган.
Англия премьер-лигасининг жорий мавсумида 31 ёшли Фернандеш 20 та учрашув ўтказди.
Яримҳимоячи бешта гол ва ўнта голли узатма муаллифи бўлди. Сўнгги турда "Манчестер Юнайтед" сафарда Лондоннинг "Арсенал" клубини 3:2 ҳисобида мағлуб этди.
