Туриннинг "Ювентус" клуби туркиялик вингер Кенан Йилдиз билан янги меҳнат шартномаси бўйича музокаралар олиб бормоқда. Бу ҳақда Tuttosport журналистлари хабар бермоқда.
Манбага кўра, томонлар ҳамкорликни 2031 йилгача узайтиришга яқин. 20 ёшли футболчининг маоши йилига олти миллион еврони ташкил этади.
Кенаннинг "кекса синьора" билан амалдаги шартномаси 2029 йилнинг июнь ойи охиригача мўлжалланган. Туркиялик футболчининг трансфер нархи 75 миллион еврога баҳоланмоқда.
Италия чемпионатининг жорий мавсумида Йилдиз 21 та учрашувда майдонга тушиб, 8 та гол ва 4 та голли узатмани ўз ҳисобига ёздириб қўйди.
