"Манчестер Юнайтед" ҳимоячиси Патрик Доргу жароҳат олиб сафдан чиқди.
21 ёшли футболчи АПЛнинг 23-туридан ўрин олган "Арсенал"га (3:2) қарши ўйинда сонининг орқа қисмидан жароҳат олди.
Манкунианликлар жароҳат характерини ҳали ўрганишмоқда, футболчининг тикланиш муддати аниқ эмас. Шу билан бирга, Доргу тахминан 10 ҳафта майдонга туша олмайди, деб ёзади The Athletic.
Жорий мавсумда Патрик АПЛда 22 та ўйинда майдонга тушиб, 3 та гол ва 3 та голли узатмага муаллифлик қилди.













