Қозоғистонлик инсайдер Миралем Пьяничнинг келажаги ҳақида гапирди.
Инсайдер AmanVibe хабарига кўра, "Ювентус"нинг собиқ футболчиси фаолиятини Қозоғистонда давом эттиришга тайёр эди. Футболчи "Актобе" билан музокаралар олиб борди ва клуб шартларига рози бўлди.
Аммо 27 январь куни футболчи жамоа раҳбариятига фаолиятини давом эттирмаслигини маълум қилган. Бу футболчининг шахсий сабаблари билан боғлиқ.
"Босниялик яримҳимоячи Миралем Пьянич Қозоғистон чемпионатида ўйнамайди. Мендаги маълумотларга кўра, "Ювентус" ва "Барселона"нинг 35 ёшли собиқ футболчиси бугун "Ақтўбе" футбол клубига ўз қарорини маълум қилган," - деб ёзади инсайдер.
Миралем Пьянич 2025 йилнинг декабрида фаолиятини якунлаганди.
