"Наполи" бош мураббийи Антонио Конте "Челси" собиқ ҳужумчиси Диего Костанинг баёнотларига муносабат билдирди.

"Ростини айтсам, мен газеталарда одамлар нима деяётганини ўқиш учун куч сарфлайдиган одам эмасман. Футбол атрофида зиёли, ақлли одамлар борлигини, аҳмоқ одамлар борлигини жуда яхши биламан, шунинг учун ақллиларнинг ҳам, аҳмоқларнинг ҳам мақолаларини ўқишга вақт сарфламайман.

Диего Коста менда бир мавсум ўйнади, шунинг учун мен футбол ҳақида гапира оламан. Биз биргаликда Англия чемпионлигини қўлга киритдик ва у бир мавсумда уч марта кетмоқчи бўлди. Мен буни биламан. "Челси"дан кейин унга нима бўлганини билмайман", - деди Конте "Наполи"нинг Чемпионлар лигаси доирасида "Челси"га қарши ўйини олдидан ўтказилган матбуот анжуманида.