"Астон Вилла" матбуот хизмати "Бешиктош" ҳужумчиси Тэмми Абрахам трансферини эълон қилди.
28 ёшли футболчининг трансфер суммаси ва шартномаси ҳақида маълумот берилмаган. Ҳужумчи 2018-2019 йилларда ҳам "Астон Вилла" шарафини ҳимоя қилган. Ўшанда у "шерлар" сафида "Челси"дан ижара асосида ўйнаган.
Тэмми Абрахам мавсумнинг биринчи ярмида ижара асосида "Бешиктош"да ўйнади. Январь ойида турк клуби ҳужумчи ҳуқуқини "Рома"дан 13 миллион еврога сотиб олганди. Жорий мавсумда англиялик футболчи 26 та ўйинда майдонга тушиб, 13 та гол урди ва 3 та голли узатмани амалга оширди. Transfermarkt портали Абрахамни 14 миллион еврога баҳоламоқда.













