Сўнгги вақтларда матбуотда ҳужумкор ярим ҳимоячи Коул Палмер "Манчестер Юнайтед"га ўтиши мумкинлиги ҳақида маълумотлар пайдо бўлди. Қайд этилишича, футболчи Лондонда ўзини ноқулай ҳис қилмоқда ва Манчестерга қайтишни истамоқда.
Sky Sports журналисти Каве Солхекол бошқа маълумотга эга. У ижтимоий тармоқларда Палмер "Челси"да бахтли эканини ёзди. Коул "дахлсиз" ҳисобланади - у клубнинг келажаги учун муҳим ўйинчи.
"Челси" сафида Коул Палмер 110 та ўйинда майдонга тушиб, 48 та гол урган ва 29 та голли узатмани амалга оширган. Нуфузли Transfermarkt портали мутахассислари 23 ёшли футболчини 120 миллион еврога баҳоламоқда. Палмернинг шартномаси 2033 йилнинг ўрталарига қадар мўлжалланган.
