"Барселона" марказий ҳимоячиси Рональд Араухо узоқ танаффусдан сўнг ҳамон ўзини тиклашда давом этмоқда.

Уругвайлик футболчи ноябрь ойининг охиридан январь ойининг бошигача майдонга тушмади - клуб унга психологик муаммолар туфайли дам берди. Sport хабарига кўра, бош мураббий Ханс-Дитер Флик Араухони асосий таркибга қайтаришга тайёр ва бунинг учун қулай фурсатни кутмоқда. Катта эҳтимол билан, 26 ёшли футболчи узоқ вақтдан бери илк бор 3 февраль куни бўлиб ўтадиган "Альбасете"га қарши кубок ўйинида илк дақиқалардан майдонга тушади.

Рональд Араухо сафга қайтган кунидан буён икки марта захирадан майдонга тушишга улгурди - "Реал" ва "Славия"га қарши баҳсларда.