"Галатасарой" ярим ҳимоячиси Илкай Гюндоган "Манчестер Сити"га қарши ўйин олдидан Эрлинг Холанд ҳақидаги саволга жавоб берди.
"Холандни ҳеч қачон паст баҳоламаслик керак. Эрлинг - дунёнинг энг яхши ҳужумчиларидан бири, ҳақиқий гол уриш машинаси ва у истаганча гол уришга қодир эканини ҳаммамиз биламиз. Уни 90 дақиқа давомида ушлаб туриш деярли имконсиз. Биз учун жамоавий тарзда уни тўхтатиш, дарвоза олдида имкон қадар ўзига қулай вазиятларга камроқ йўл қўйишга ҳаракат қилиш муҳим. Агар эртанги ўйинда нимагадир эришмоқчи бўлсак, бу зарур," - дея Гюндоганнинг сўзларини келтиради City Report.
Эслатиб ўтамиз, 35 ёшли хавбек жорий мавсум аввалида "Манчестер Сити"дан "Галатасарой"га ўтган эди.
