"Бавария" ҳимоячиси Жонатан Та Мюнхен клуби бош мураббийи Венсан Компани қўл остида ишлаш ҳақида гапирди.
"Компани табиатан ҳимоячилар билан ўзига хос алоқага эга, чунки у бизни ҳаммадан яхши тушунади. Аммо охир-оқибат у ҳар бир футболчига нимадир беради. Шунингдек, у вазиятни ўзгартириб юбориши ва ҳужумчиларга ҳимоячиларнинг заиф томонларини айтиши мумкин. Мен ундан аллақачон кўп нарсани ўргандим," - деди Та матбуот анжуманида.
Жонатан Та 2025 йилда икки миллион евро эвазига "Бавария"га "Байер"дан ўтганди. Унинг шартномаси 2029 йилнинг 30 июнига қадар имзоланган.
