"Арсенал" бош мураббийи Микель Артета ярим ҳимоячи Мартин Эдегорни захира ўйинчисига айлантириш вариантини кўриб чиқмаяпти. Бу ҳақда The Touchline хабар берди.
Қайд этилишича, Артета ва Эдегор ўртасида ўзига хос боғлиқлик бор - мураббий норвегияликни "Арсенал"нинг узоқ кутилган Премьер-лига чемпионлиги учун курашида асосий фигура деб ҳисоблайди.
Эслатиб ўтамиз, "Манчестер Юнайтед"га қарши ўтган ўйинда Мартин Эдегор 58-дақиқадаёқ захирага олинганди. Норвегиялик футболчи Микель Артетанинг қароридан норози бўлгани ҳақида хабарлар тарқалган эди.
Чоршанба куни "Арсенал" Чемпионлар лигаси доирасида "Қайрат"га қарши уй учрашувини ўтказади.













