Ярим ҳимоячи Лукас Пакета клубини ўзгартирмоқда. Нуфузли инсайдер Фабрицио Романонинг ижтимоий тармоқларда маълум қилишича, "Вест Хэм" ва "Фламенго" футболчининг трансфери бўйича келишиб олган. Лондон клуби чоршанба куни "Фламенго"нинг Пакета бўйича 42 миллион евролик таклифини қабул қилди.
Бир неча кундан сўнг 28 ёшли Пакета ватани Бразилияга қайтиб, "Фламенго" билан 5 йиллик шартнома имзолайди.
Лукас Пакета "Вест Хэм" сафида турли мусобақаларда 139 та расмий ўйин ўтказган. Уларда бразилиялик футболчи 23 та гол ва 15 та ассистни ўз ҳисобига ёздириб қўйди.
