Винисиус ҳали "Реал" билан шартномасини узайтиргани йўқ, шунинг учун унинг келажаги ҳамон муҳокама қилинмоқда. Агар бразилиялик ҳужумчи Мадрид клубини тарк этишга қарор қилса, унга Европанинг бир қатор грандлари даъвогарлик қилади. Бу ҳақда The Touchline нашри журналист Рубен Мартинга таяниб хабар берди.
Қайд этилишича, Винисиус Жуниорнинг потенциал клублари "ПСЖ", "Манчестер Сити", "Челси", "Арсенал", "Ливерпуль" ва "Бавария" бўлиши мумкин.
Винисиус 25 ёшда. Унинг "Реал" билан шартномаси 2026/2027 йилги мавсум якунига қадар мўлжалланган. Винисиус жорий мавсум 31 та ўйинда 7 та гол ва 11 та голли узатмага муаллифлик қилди.
