"Интер" таркибини кучайтирмоқчи. Таниқли инсайдер Фабрицио Романонинг ижтимоий тармоқларда маълум қилишича, миланликлар "Ал-Иттиҳод" ҳужумкор ярим ҳимоячиси Мусса Диаби бўйича музокаралар олиб бормоқда. Тахминан 35 миллион еврога сотиб олиш опцияси билан ижарага олиш кўзда тутилган.
Қайд этилишича, 26 ёшли Диаби аллақачон "Интер"га ўтишга розилик берган. Энди битим тақдири "Ал-Иттиҳод"га боғлиқ.
Мусса Диаби "ПСЖ" тарбияланувчиси ҳисобланади. Футболчи Европада "Кротоне" "Байер" ва "Астон Вилла" клубларида ҳам ўйнаган.
2025/2026 йилги мавсумда Мусса Диаби 24 та ўйинда майдонга тушиб, ўз ҳисобига учта гол ва 11 та голли узатмани ёздириб қўйди.
