"Барселона" вингери Маркус Рэшфорд Чемпионлар Лигаси мусобақасининг сўнгги туридан ўрин олган "Копенгаген"га қарши ўйинда (4:1) иштирок этди.
Инглиз 72-дақиқада захирадан майдонга тушди, 85-дақиқада эса жарима зарбасидан гол уриб, якуний натижани таблога ёздириб қўйди. Opta хабарига кўра, Рэшфорд Чемпионлар лигасида Девид Бекхэмдан кейин икки жамоа сафида жарима зарбасидан тўғридан-тўғри гол урган биринчи англиялик бўлди. Машҳур собиқ ярим ҳимоячи "Манчестер Юнайтед" ва "Реал"да, Маркус эса ўша "МЮ" ва мос равишда "Барселона"да ўйнаган.
Ханс-Дитер Флик жамоаси умумий босқични бешинчи ўринда якунлаб, энг нуфузли еврокубокнинг 1/8 финалига йўл олди.
