Португалиянинг "Бенфика" клуби ҳужумчиси Андреас Шельдеруп Чемпионлар лигаси умумий босқичининг 8-туридан ўрин олган Испаниянинг "Реал" клубига (4:2) қарши ўйиндаги ғалабаси ҳақида гапирди. Шельдеруп дубль қайд этди, "Бенфика" сафида яна биттадан голга Вангелис Павлидис (пенальти) ва Анатолий Трубин муаллифлик қилди.
"Фантастика! Айнан шуни орзу қиласан - шундай ажойиб стадионда ўйнаб, "Реал"ни мағлуб этиш. Ақл бовар қилмайди! Тўғрисини айтсам, бироз хафа бўлдим, чунки кўпроқ гол уришим мумкин эди. Қаттиқ ишлашда давом этишим керак, лекин бу фантастик ғалаба. Уни таърифлашга сўз йўқ. Мукаммал сценарий!" - дея Шельдерупнинг сўзларини келтиради УEФА расмий сайти.
