"Интер"да ҳужумкор ярим ҳимоячи Иван Перишичнинг клубга қайтиши борасида оптимизм кучаймоқда. Таниқли журналист Жанлука ди Марционинг сайтида ёзилишича, "нерадзуррилар"нинг оптимизми ПСВнинг Чемпионлар лигасидан чиқиб кетиши билан боғлиқ.
ПСВ "Бавария"ни мағлуб эта олмади ва 1:2 ҳисобида ютқазиб, еврокубокларни тарк этди. Бу яқинда 36 ёшга тўладиган Перишич бўйича келишувга йўл очади.
Қайд этилишича, Иван Перишич аллақачон "Интер" билан келишувга эришган. Энди тажрибали хорватиялик футболчи клублар ўртасидаги келишувни кутмоқда.
Перишич ўз вақтида "Интер" сафида 254 та ўйинда майдонга тушиб, 55 та гол урган ва шерикларига 50 та голли узатма берган.
