"Бавария" спорт директори Кристоф Фройнд яримҳимоячи Леон Горецка жорий мавсум якунлангач жамоани тарк этишини тасдиқлади.
Аввалроқ, 30 ёшли футболчи ижтимоий тармоқларда "Бавария"ни тарк этиши ҳақида пост қолдирган эди.
"Биз Леон билан ёзда нима бўлиши ҳақида очиқ гаплашдик. Энди ёзда Леоннинг "Бавария"даги даври тугайди, дея оламиз. Саккиз йиллик муваффақиятли фаолиятдан сўнг у бошқа клубга ўтади", - деди функционер матбуот анжуманида.
Горецка 2018 йилда "Бавария"га ўтган. Жорий мавсумда ярим ҳимоячи барча мусобақаларда 28та ўйинда майдонга тушиб, битта гол уришга муваффақ бўлди.
