Хосеп Гвардиоланинг ассистенти Пепейн Лейндерс "Арсенал" билан чемпионлик пойгаси ҳақида гапирди. "Манчестер Сити" айни дамда лондонликлардан 4 очко ортда қолмоқда.
"Гап ўзимизда. Мен бир нечта чемпионлик пойгаларида қатнашдим ва кейинги ўйинга эътибор қаратиш муҳим. Биламан, бу бироз қўпол жавоб, лекин сиз ўз ўйинларингизни ютишингиз керак. Босим яратиш ва қувиб етиш керак - рақиб буни ҳис қилиши керак. Бу ягона мумкин бўлган йўл", - деди Лейндерс матбуот анжуманида.
Премьер-лиганинг навбатдаги турида "Арсенал" сафарда "Лидс"га қарши баҳс олиб боради. "Манчестер Сити" эса "Тоттенхэм" меҳмони бўлади.
