Италиянинг "Милан" клуби собиқ дарвозабони бразилиялик Нелсон Дида клубга янги келган Лука Модрични юқори баҳоламоқда. Хорватиялик фахрий футболчи Италия чемпионатига Мадриднинг "Реал" клубидан кўчиб ўтди ва ўзининг меҳнатсеварлиги ва тиришқоқлиги билан жуда кучли таассурот қолдирди.
"Модрич жуда кучли. У ўта техник ўйинчи бўлиб, аввалгидек жўшқинлик ва иштиёқ билан ҳаракат қилади. Буни унинг жамоадошлари ҳам ҳис қилишади, ўйин пайтида майдонда муҳим нарса шу. Шахсан мен Модрич билан бир майдонда ўйнамаганимдан афсусдаман", - дея Диданинг сўзларини келтиради Италиянинг La Gazzetta Dello Sport нашри.
Италия чемпионатининг 23-турида "Милан" "Болонья"га қарши баҳс олиб боради.
