"Манчестер Юнайтед" ҳужумчиси Жошуа Зиркзее яқин келажакдаги режаларини белгилаб олди.

Нидерландиялик футболчи жорий мавсумда ўйин амалиёти етишмаслигидан азият чекмоқда ва сўнгги ойларда матбуотда футболчининг тез орада кетиши ҳақида мунтазам равишда гапирилмоқда. Журналист Самуэль Лакхерстнинг ёзишича, муаммоларга қарамай, ҳужумчи камида мавсум охиригача клубда қолишга қарор қилган. Футболчи аллақачон "қизил иблислар" раҳбариятига қишда кетмоқчи эмаслигини маълум қилган.

Жошуа Зиркзее учун курашда узоқ вақт давомида "Рома" иштирок этди, аммо римликлар "МЮ" билан келиша олмади. Transfermarkt портали мутахассислари 24 ёшли футболчининг нархини 25 млн еврога баҳоламоқда.