Лондоннинг «Арсенал» клуби ҳали ҳам «Атлетико» ҳужумчиси Хулиан Альваресга қизиқиш билдирмоқда.
«Матрасчилар» аргентиналик футболчини қўйиб юборишни истамаяпти ва унинг учун катта сумма сўрамоқда. TEAMtalk хабарига кўра, «Арсенал» битимга ўз футболчилари — вингер Габриэл Мартинелли ва ҳужумчи Габриэл Жезусни қўшиш вариантини кўриб чиқмоқда. Аммо испан клуби бразилияликларга қанчалик қизиқиши ҳозирча номаълум.
Transfermarkt портали Альвареснинг нархини 100 млн евро деб баҳолаган. Мартинеллининг қиймати 45 млн евро, Жезусники эса 20 млн евро.
Миш-мишларга қараганда, 26 ёшли жаҳон чемпиони сўнгги пайтларда «Атлетико»ни тарк этиш ҳақида жиддий ўйлаяпти. Унга «Барселона» ҳам қизиқиш билдирмоқда.
