«Райо Вальекано» бош мураббийи Иньиго Перес Испания Ла Лигасининг 22-тури доирасида «Реал»га қарши (1:2) учрашувдан сўнг баёнот берди. «Қаймоқранглилар» 90+10-дақиқада пенальтидан ғалаба голини урди. Меҳмон жамоа учрашувни тўққиз нафар футболчи билан якунлади.

– Мағлубиятни қабул қилишимиз керак. Кўп нарсалар ҳақида гапириш мумкин, аммо баъзилари ҳақида мен гапирмайман. Ушбу ўйинда жамоамиз кўп яхши ишлар қилди, мен жамоани мақташим учун албатта мўжиза рўй бериши керак эмас эди. Мен учун бу жуда оғир, аммо ўйинчиларим билан фахрланаман. Улар қандай ўйнагани мен учун кутилмаган ҳолат эмас, биз ғалаба қозониш имконига эгадик. Аммо ривожланишимиз керак. Кейинги мавсумда қайта келиб, ғалаба қозонишимиз лозим.

– 11га 11 ўйнаганимизда биз «Реал»дан яхшироқ эдик, гап аниқликда эди, жарима майдонида унча қатъиятлироқ бўлмадик. «Бернабеу» қўрқув уйғотади, аммо биз ғалабага яқин эдик. Ҳатто бир футболчимиз кам бўлгани билан ҳам бу ҳолат юз берди. Бизда футболчиларнинг қатъияти етишмади.

– Пате Сисс биз учун жуда муҳим эди. Баъзида энергия кўплиги шундай вазиятларга олиб келади. Мен бу ҳолатда унинг ўрнига бошқа нарса учун эмас, айнан шу учун четлатилганини афзал кўрар эдим. 11га 11 ўйинда биз «Реал»дан яхшироқ эдик, буни яна бир марта таъкидлайман.

– Ҳакам иккинчи таймга тўққиз дақиқа қўшди.
– Мен қўшимча вақт узоқ бўлишини кутган эдим, аммо жамоам жарима майдонида яхши ҳимоя қилганини кўрдим – улар бизга гол уриши мумкин деган ҳис йўқ эди.

– Нима учун тўққиз дақиқа қўшилганига изоҳ бера оласизми?
– Ҳеч нима демайман.

– Ҳакамлик сизга хафа қилдими?
– Ҳакамлар ҳақида гапирмайман, — деб келтирмоқда Перес сўзларини AS.

Испания чемпионатининг 22 та ўйинидан кейин мадридлик «Реал» 54 очко жамғариб, турнир жадвалида иккинчи ўринда турибди. «Райо Вальекано» эса 22 очко билан 17-поғонада жойлашган.