"Манчестер Юнайтед" футболчиси Амад Диалло янги мураббий Майкл Кэррик қўл остида жамоанинг кайфияти яхшилангани ҳақида гапирди.

"Қизил иблислар" янги мураббий билан илк 3 та ўйинда учта ғалабага эришди. Аввалига "Манчестер Сити" (2:0) ва "Арсенал" (3:2) мағлубиятга учратилган бўлса, кеча "Фулхэм" (3:2) ҳам таслим этилди.

"Мураббий доим биз буюк клубда ўйнаётганимизни ва Чемпионлар лигасига чиқмоқчи бўлсак, энг юқори даражани ушлаб туришимиз шартлигини айтади. Ҳар бир ўйинда ғалаба қозонишимиз керак - бу сафар ҳам биз бунга қодир эканлигимизни исботладик. Биз ҳолатимиздан жуда мамнунмиз, қадам-бақадам олдинга силжишимиз керак. Олдинда ҳали кўплаб ўйинлар бор, ҳар нарса бўлиши мумкин, аммо бизда яхши кайфият ва жанговар руҳ бор," - деди Диалло якшанба кунги ўйиндан сўнг.

"МЮ" Премьер-лига 24-туридан кейин турнир жадвалида тўртинчи ўринда бормоқда.