"ПСЖ" устози Луис Энрике Матвей Сафонов қандай қилиб жамоанинг асосий дарвозабони бўлиши мумкинлиги ҳақидаги саволга жавоб берди.
Унинг айтишича, аниқ бир "рецепт" йўқ. "Биринчи рақам" мақоми бир нечта омилларга боғлиқ бўлади.
"Сафонов қандай қилиб "ПСЖ"нинг асосий дарвозабони бўлиши мумкин? Билмадим, бу натижаларга, ҳаётга, кўп нарсаларга боғлиқ. Буни вақт кўрсатади. Мураббий сифатида юқори савиядаги бир нечта дарвозабонларим борлигидан хурсандман," - деди Энрике.
Бир кун аввал "ПСЖ" "Страсбург"ни 2:1 ҳисобида мағлуб этганди. Сафонов бу учрашувда пенальтини қайтарди. Аввалроқ Матвей ўйиндан кейинги пенальтилар сериясида тўртта зарбани қайтарган илк дарвозабон сифатида тарихга кирганди. Бу "Фламенго"га қарши қитъалараро кубок финалида содир бўлди.
