"Брайтон" клуби қанот ҳужумчиси Браян Груда фаолиятини Германия чемпионатида давом эттиради. Футболчи "РБ Лейпциг" таркибини тўлдирди. Бу ҳақда "қизил буқалар" матбуот хизмати клуб расмий сайти орқали хабар бермоқда.
Груда немис жамоасига ижара асосида қўшилди. Жорий мавсум якунлангач, у "Брайтон"га қайтади. "РБ Лейпциг"да ҳужумчи 10-рақам остида ҳаракат қилади.
Жорий мавсумда 21 ёшли футболчи "Брайтон"нинг 20та ўйинида қатнашиб, 3та гол ва 3та ассистни ўз ҳисобига ёздириб қўйди. Нуфузли "Transfermarkt" портали қанот ҳужумчисини 28 млн еврога баҳоламоқда.
