"Фулхэм" тез орада ПСВ ва АҚШ терма жамоаси ҳужумчиси Рикардо Пепининг трансферини расмийлаштириши мумкин. Бу ҳақда журналист Фабрицио Романо Х ижтимоий тармоғидаги саҳифасида маълум қилди.
Манбага кўра, битим қиймати 37 млн еврони ташкил қилади. Бундан ташқари, инглиз клуби футболчи билан ҳамкорлик шартларини келишиб олди. Музокаралар муваффақиятли якунланиши учун фақат бир шарт бўлиши керак: Нидерландия жамоаси ўйинчига ўринбосар топиши керак.
Риcардо "Даллас" тарбияланувчиси ҳисобланади, у "Аугсбург" ва "Гронинген" клубларида ҳам ўйнаган. Футболчи икки марта Нидерландия чемпиони бўлган, икки марта мамлакат Суперкубогини қўлга киритган ва терма жамоа билан КОНКАКАФ Миллатлар Лигасида ғолиб чиққан.
