Бугун Косонсойдаги “Марказий” ўйингоҳда мамлакат чемпионатининг 15-туридан ўрин олган учрашув бўлиб ўтади. "Навбаҳор" Фарғонанинг “Нефтчи” клубини қабул қилади.

Дастлабки режага кўра мазкур ўйиннинг бошланиш вақти 17.45га белгиланганди. Бундан бироз вақт олдин ҳар икки жамоа вакиллари ва учрашув назоратчиси ўзаро келишган ҳолда баҳсни 15 дақиқа эрта бошлашга қарор қилишди. Бунга эса Косонсойдаги ўйингоҳ шароити ва об-ҳаво шароити сабаб бўлди.

Гап шундаки, шу кунларда нафақат Косонсойда балки бошқа жойларда булутли ҳаво хукмронлик қилмоқда. Косонсой тоғлик ҳудуд бўлганлиги боис кечга бориб ҳарорат кескин ўзгариб, атрофни қоронғулук қопламоқда. Ўйингоҳдаги ёритиш тизими талаб даражасида бўлмаганлиги сабаб ўйин 17.30 да бошланади.