Европада қишки трансферлар бўйича энг қиммат трансферлар инглиз клублари иштирокида амалга оширилди. Биринчи ўринда "Борнмут"дан "Манчестер Сити"га 72 млн евро эвазига ўтган яримҳимоячи Антуан Семеньонинг трансфери қайд этилди. Иккинчи ўринни "Вулверхэмптон"дан "Кристал Пэлас"га трансфер қилинган Йорген Странн Ларсен эгаллаб турибди. Трансфер қиймати бўйича учинчи ўринни "Вест Хэм"дан Бразилиянинг "Фламенго" клубига 42 млн евро эвазига ўтган яримҳимоячи Лукас Пакета эгаллади.

Тўртинчи ўринда "Атлетико"дан Лондоннинг "Тоттенхэм" клубига 40 млн евро эвазига ўтган яримҳимоячи Конор Галлахер қайд этилган. Қишдаги энг қиммат трансферлар бешлигини "Тоттенхэм" яримҳимоячиси Бреннан Жонсон якунлаб берди, у ҳам 40 миллион евро эвазига "Кристал Пэлас"га ўтган.

Қишки трансфер ойнасининг энг қиммат 10 та трансфери:

1. Антуан Семеньо — “Борнмут”дан “Манчестер Сити”га (72 млн евро)
2. Йорген Странна Ларсен — “Вулверҳэмптон”дан “Кристал Пэлас”га (55,4 млн евро)
3. Лукас Пакета — “Вест Ҳэм”дан “Фламенго”га (42 млн евро)
4. Конор Галлахер — “Атлетико Мадрид”дан “Тоттенҳэм”га (40 млн евро)
5. Бреннан Жонсон — “Тоттенҳэм”дан “Кристал Пэлас”га (40 млн евро)
6. Адемола Лукман — “Аталанта”дан “Атлетико”га (35 млн евро)
7. Оскар Бобб — “Манчестер Сити”дан “Фулҳэм”га (31,2 млн евро)
8. Муҳаммад Кадер Мейте — “Ренн”дан “Ал-Ҳилол”га (30 млн евро)
9. Кастеланос Хименес — “Лацио”дан “Вест Ҳэм”га (29 млн евро)
10. Витор Райан — “Васко да Гама”дан “Борнмут”га (28,5 млн евро)