"Барселона"нинг 18 ёшли футболчиси Ламин Ямаль ҳайратланарли самарадорлик намойиш этмоқда. Сешанба куни вингер Испания Кубоги чорак финали доирасидаги "Альбасете"га қарши ўйинда (2:1) гол урди — у илк бор "кўк-анорранглилар" сафида кетма-кет тўртта учрашувда рақиб дарвозасини ишғол қилишга муваффақ бўлди.
Ёш юлдуз каталонияликлар сафида барча мусобақалардаги сўнгги 37 та ўйинда 33 та самарали ҳаракатни (18 та гол ва 15 та ассист) ўз ҳисобига ёзиб қўйди. Шанба куни "Барселона" Испания чемпионати доирасида "Мальорка"га қарши майдонга тушади. Ҳозирда Ханс-Дитер Флик жамоаси Ла Лига турнир жадвалида 22 турдан сўнг 55 очко билан пешқадамлик қилмоқда ва Мадриднинг "Реал" клубини бир очкога ортда қолдирмоқда.
