«Барселона» ва Хорватия терма жамоаси собиқ ярим ҳимоячиси Иван Ракитич ўз ҳамюрти Лука Вушковичга «Бавария»га ўтишни маслаҳат берди. 18 ёшли футболчи айни дамда «Тоттенхэм»га тегишли ҳисобланади.

«Ҳозир бутун Европа у ҳақида гапирмоқда. «Бавария» уни ўз сафига қўшиб олиш учун ҳамма нарсани қилиши керак. Мен бу йигит ўша ерга ўтиши лозим деб ҳисоблайман. Унда энг яхши марказий ҳимоячилардан бири бўлиш учун барча нарса мавжуд. «Тоттенхэм» уни ёздан кейин ўз сафида олиб қола оладими ёки йўқми, мен учун жуда қизиқ. Менимча, у топ-клублардан бирига ўтиш орқали кейинги қадамни ташлашга тайёр. Мен учун Европада бундай клублар бор-йўғи 4 ёки 5 та», — дея Ракитичнинг сўзларини келтирмоқда Sky Germany.

Жорий мавсумда Вушкович ижара асосида «Гамбург» шарафини ҳимоя қилмоқда. У 19 та ўйинда 4 та гол урди ва 4 та огоҳлантириш олди. Transfermarkt портали футболчини 40 миллион еврога баҳоламоқда.