Италия А Серияси доирасида кечган баҳсда "Милан" сафарда "Болонья" устидан йирик 3:0 ҳисобида ғалаба қозонди. Массимилиано Аллегри шогирдларига Рубен Лофтус-Чик, Кристофер Нкунку ва Адриен Рабьо томонидан киритилган голлар муваффақият келтирди.
Opta маълумотларига кўра, "россонерилар" чемпионатда 50 очколик довонни охирги 22 йил ичидаги энг тез суръатда — атиги 23 турда забт этди. Жамоа тарихида бундан аввал бундай кўрсаткичга фақат икки марта (2003/04 ва 1995/96 йилги мавсумларда) эришилган ва ҳар иккала ҳолатда ҳам "Милан" мавсум якунида чемпионликни (скудетто) қўлга киритган.
Ҳозирда "Милан" А Серия турнир жадвалида иккинчи ўринни эгаллаб турибди ва пешқадам "Интер"дан беш очко ортда қолмоқда. Эслатиб ўтамиз, "қизил-қоралар" ўзларининг сўнгги чемпионлигини 2022 йилда нишонлашган эди.
