"Манчестер Юнайтед"нинг афсонавий вингери Нани мавсум стартини ўтказиб юбориши мумкин.
Қозоқ манбаларига кўра, "Актобе"нинг янги аъзоси февраль ойининг ўрталари ёки охирида клубга қўшилади. Футболчи ўзини тиклаб олиши учун вақт керак бўлади, чунки португалиялик бир йилдан ортиқ ўйнамаган.
"Нани мавсум стартини ўтказиб юбориш хавфи остида", - деди манба.
Маълумот учун, Нани январь ойи охирида "Актобе" сафига бориб, футболчилик фаолиятини давом эттирди. Шартнома мавсум охиригача имзоланган.













