"Реал" қишки трансферлар ойнасида нега бирорта ҳам футболчини ўз сафига қўшиб олмагани маълум бўлди.
Мадрид клуби ҳозирги таркиб олдига қўйилган вазифаларни бажариш - Испания чемпионати ва Чемпионлар лигасида ғолиб чиқиш учун етарлича теранликка эга, деб ҳисобламоқда, деб ёзади Marca. Мамлакат Суперкубоги финалида "Барселона"дан учралган мағлубият ва кубокдан чиқиб кетиши "қаймоқранглилар"нинг режаларини ўзгартирмади.
"Реал" Ла Лига 22-туридан кейин 54 очко билан турнир жадвалида 2-ўринда бормоқда ва пешқадам "Барселона"дан 1 очко ортда қолмоқда. Чемпионлар лигаси плей-офф босқичида мадридликлар "Бенфика"га қарши майдонга тушади.
