"Манчестер Юнайтед" ҳужумчиси Уэйн Руни жамоадаги шерикларидан бирига "Челси"га ўтаётгани ҳақида айтган. Бу ҳақда клубга яқин манбаларга асосланиб, "ESPN" нашри хабар қилмоқда.
Маълум бўлишича, "Челси" Рунига ҳафтасига 240 минг фунт миқдорида маош таклиф қилмоқда.
Хабарингиз бор, Лондон клуби 2 бор ушбу трансфер юзасидан "МЮ"га таклиф билан чиқди, аммо ҳар икки сафар ҳам рад жавобини олди.
Ҳужумчи манчестерликларнинг кечаги "Севилья"га қарши учрашувини ўтказиб юборди. Шунингдек, чоршанба ва пайшанба кунлари жамоа захира таркиби билан машғулотлар олиб борди.
