"Бавария" марказий ҳимоячиси Жонатан Та клубнинг Дайо Упамекано билан келишувига изоҳ берди.
"Мен унга кунига юз марта шартномани узайтиришни айтгандим. Агар у энди ҳақиқатан ҳам шундай қилса, жуда хурсандман, чунки у биз учун жуда муҳим", - дея Та сўзларини келтиради журналист Керри Ҳау.
"Бавария" ҳали Упамекано билан янги битим имзолаганини эълон қилгани йўқ, бироқ турли нуфузли манбаларнинг хабар беришича, бу яқин орада амалга ошиши муқаррар. 27 ёшли французнинг амалдаги шартномаси жорий мавсум якунида ўз ниҳоясига етади.
