Лондоннинг «Арсенал» клуби ҳимоячиси Юррьен Тимбер жамоадоши Кай Хаверц ҳақидаги фикрлари билан ўртоқлашди.

Германиялик футболчи яқинда жароҳатидан соғайиб сафга қайтди. Ушбу жароҳат сабабли у мавсумнинг деярли бутун биринчи ярмини ўтказиб юборган эди. Сўнгги учта ўйинда ҳужумчи иккита гол ва битта голли узатмани амалга оширишга муваффақ бўлди.

«Кай ҳам майдонда, ҳам унинг ташқарисида жамоа учун жуда муҳим. Унинг нақадар ажойиб қобилиятларга эга эканлигини ҳамма кўриб турибди ва биз у учун жуда хурсанд бўлдик. У қувноқ ва ёқимли инсон, умуман камгап эмас. Менимча, унинг йўқлиги доим сезилади, шунинг учун у яна сафимизда эканлигидан хурсандмиз. Умид қиламанки, уни олдинда ҳали кўплаб ёрқин лаҳзалар кутмоқда», — дея Тимбернинг сўзларидан иқтибос келтиради инглиз ОАВлари.

Шанба куни «канонирлар» Премьер-лига доирасида ўз майдонларида «Сандерленд»ни қабул қилишади.