Каталониянинг «Барселона» клуби вингери Ламин Ямал Испания Ла Лигасининг жорий мавсумидаги чемпионлик пойгаси ҳақида ўз фикрларини билдирди.
«Бу жуда оғир ва давомли турнир. Ҳеч нарса охиригача ҳал бўлмайди. Биз сўнгги тургача курашишимиз керак. Очко тўплаш ва мағлубиятга учрамаслик лозим. Ҳар бир баҳс катта аҳамиятга эга. Умид қиламизки, ҳаммаси биз кутгандек бўлади», - дея футболчининг сўзларини келтиради Mundo Deportivo нашри.
Испания чемпионатининг 22 туридан сўнг «кўк-анорранглилар» 55 очко билан турнир жадвалида пешқадамлик қилмоқда. Ханс-Дитер Флик шогирдлари Мадриднинг «Реал» клубини бир очкога ортда қолдирмоқда.













