Мадриднинг «Реал» клуби Дани Карвахаль билан шартномани узайтириш мақсадга мувофиқлиги борасида шубҳаланмоқда. Журналист Марио Кортегананинг ўз ижтимоий тармоқларида хабар беришича, испаниялик футболчи клубни тарк этиши мумкин.

Манбанинг маълумотларига кўра, «қаймоқранглилар» яқин вақт ичида ўз фахрийси борасида якуний қарор қабул қилади. Клуб раҳбариятида Карвахалнинг жамоадаги келажаги борасида иккиланишлар мавжуд.

Испаниялик ҳимоячининг «Реал» билан амалдаги шартномаси 2026 йилнинг ёзига қадар мўлжалланган. Футболчининг ўзи Мадридда қолишни истамоқда.