«Ливерпуль» бош мураббийи Арне Слот якшанба куни «Манчестер Сити»га қарши бўлиб ўтадиган муҳим баҳс олдидан жамоадаги жароҳатлар борасидаги сўнгги маълумотларни тақдим этди.
«Жереми Фримпонг дам олиш кунлари майдонга туша олмайди. Жо Гомесга келсак, у шанба куни машғулотларга киришади деб умид қиляпмиз. Соғлом ҳимоячиларимиз жуда камлиги сабабли, у ҳеч бўлмаганда захирадан тушиб, ўйинда жамоага ёрдам бера олиши мумкин», — деди Слот.
Жереми Фримпонг: Нидерландиялик қанот ҳимоячиси Чемпионлар лигаси доирасидаги «Қорабоғ»га қарши ўйинда (6:0) чов соҳасидан жароҳат олиб, учрашувнинг бошидаёқ майдонни тарк этган эди. Унинг қайтиши учун бир неча ҳафта керак бўлиши мумкин.
Жо Гомес: Гомес «Борнмут» билан ўйинда дарвозабон Алиссон Беккер билан тўқнашиб кетиб, сонидан жароҳат олган эди. У «Қорабоғ» ва «Ньюкасл»га қарши баҳсларни ўтказиб юборди.
Ҳимоядаги инқироз: Айни дамда «Ливерпуль» ҳимоя чизиғида жиддий муаммоларга дуч келмоқда. Конор Брэдли ва Жованни Леони мавсум охиригача сафдан чиққан. Шу сабабли Слот ҳатто ярим ҳимоячилар Райан Гравенберх ва Ватару Эндоларни ҳимояда ўйнатишга мажбур бўлмоқда.
