Аргентина терма жамоаси ва Лондоннинг «Тоттенхэм» клуби ҳимоячиси Кристиан Ромеро «Туманли Альбион»ни Испания Ла Лигасига алмаштириши мумкин.

Teamtalk нашри берган маълумотларга кўра, 27 ёшли футболчини ўз сафига қўшиб олишга иккита топ-клуб қизиқиш билдирмоқда. Гап Каталониянинг «Барселона» ва Мадриднинг «Атлетико» клублари ҳақида бормоқда. Ромеронинг ўзи ҳам яқин келажакда жамоасини ўзгартиришга тайёр.

Аргентиналик футболчининг эҳтимолий трансфер суммаси тахминан 80–90 миллион еврони ташкил қилиши мумкин.

Ромеро жорий мавсумда 27 та учрашувда майдонга тушиб, ўз ҳисобига олтита гол ва тўртта голли узатмани ёздириб қўйди. Унинг «шпорлар» билан шартномаси 2029 йилнинг ўрталарига қадар амал қилади.