Каталониянинг "Барселона" клуби инглиз ҳужумчиси Маркус Рэшфордни жамоада олиб қолишга қарор қилди. "Diario Sport" маълумотларига кўра, "кўк-анорранглилар" раҳбарияти футболчини 30 миллион евро эвазига сотиб олиш ҳуқуқини фаоллаштиради.
Испания чемпионати пешқадами Маркусга уч йиллик меҳнат шартномасини таклиф қилади. Эслатиб ўтамиз, айни дамда Рэшфорд каталонияликлар сафида ижара асосида тўп сурмоқда. Унинг тўлиқ шартномаси "Манчестер Юнайтед" клубига тегишли.
Испания Ла Лигасининг жорий мавсумида 28 ёшли инглиз футболчиси 20 та учрашув ўтказиб, 4 та гол урди ва 6 та голли узатмани амалга оширди.
