Ўз вақтида Лондоннинг "Арсенал" клубида тўп сурган Пол Мерсон "канонирлар"нинг "Сандерленд"га қарши бўлажак ўйини ҳақидаги фикрлари билан ўртоқлашди.
Экспертнинг фикрича, АПЛ 25-туридан ўрин олган ушбу учрашув натижаси чемпионлик пойгасига катта таъсир кўрсатади.
"Менимча, титул учун кураш масаласи шу дам олиш кунларида ҳал бўлади. "Арсенал" ушбу ўйинда очко йўқотишини тасаввур ҳам қила олмайман. Агар "Арсенал" ғалаба қозонса, энг яқин таъқибчисидан тўққиз очкога ўзиб кетади", — дея Мерсоннинг сўзларини келтирмоқда "Sportskeeda".
Микель Артета жамоаси айни дамда Англия чемпионати турнир жадвалида биринчи ўринни эгаллаб турибди. Лондон клуби ҳисобида 53 очко мавжуд.
