"Бавария" ҳимоячиси Жонатан Та жамоадоши Жамал Мусиала ҳақида ўз фикрлари билан ўртоқлашди.

"Жамал — доимо керакли вазиятларда пайдо бўладиган йигит. У майдонда бошқа ҳеч ким қила олмайдиган ва ҳеч ким кутмайдиган ишларни амалга оширади. У алоҳида иқтидор. Уни яна майдонда кўрганимдан хурсандман, чунки у анча оғир даврни бошидан ўтказди", — дея Танинг сўзларини келтирмоқда "ESPN FC".

Эслатиб ўтамиз, Мусиала майдонга фақат январь ойида қайтди. Ярим ҳимоячи ўтган йилнинг ёзида олган жароҳатидан сўнг узоқ вақт давомида тикланиш жараёнини ўтади.

Жорий мавсумда 22 ёшли хавбек барча турнирларда тўртта ўйинда иштирок этиб, битта гол ва битта голли узатмани ўз ҳисобига ёздириб қўйди.